Rafael Leão po shkëlqen këtë sezon me Milanin, gjë që ka tërhequr vëmendjen e klubeve të mëdha evropiane.
Sipas “Estadio Deportivo”, Chelsea po përgatit një ofertë mbresëlënëse prej 120 milionë eurosh për sulmuesin portugez. Me kontratë të vlefshme deri në vitin 2028, Leão ka spikatur në Serie A me performancën e tij, duke kontribuar me gola dhe asiste të shumta.
Trajneri i Chelseat, Enzo Maresca, e konsideron 26-vjeçarin si një pjesë të rëndësishme në planin e tij për rindërtimin e skuadrës. Ai vlerëson cilësitë e Leão-it, si shpejtësia, forca dhe kreativiteti.
Nëse oferta e madhe realizohet, Milani mund të marrë parasysh shitjen, veçanërisht duke pasur parasysh sfidat financiare. Ende nuk është e qartë nëse ky transferim do të ndodhë në janar apo në verë, por një gjë është e sigurt: Rafael Leão do të jetë një nga emrat më të përfolur në tregun e ardhshëm të transferimeve.
Leave a Reply