Presidentja e Kosovës, Vjosa Osmani, ka kërkuar një reagim ndërkombëtar pas një incidenti të rëndë ku një qytetar serb nga Kosova u plagos dhe u rrëmbye nga xhandarmëria serbe.
Sipas Osmanit, ky akt është dëshmi e politikave hegjemoniste të Serbisë, të cilat sulmojnë çdo individ që sfidon regjimin autokratik të Aleksandar Vuçiqit. Duke e dënuar këtë veprim, Osmani thekson se Serbia vazhdon të përhapë propagandë dhe dezinformata për të drejtat e serbëve në Kosovë, ndërkohë që vetë shkel ato të drejta duke përdorur dhunë.
Ajo e cilëson këtë veprim si një sulm barbar ndaj qytetarëve që guxojnë të thonë të vërtetën. Presidentja ka bërë apel për veprim nga bashkësia ndërkombëtare, duke theksuar rëndësinë e ndërhyrjes së botës demokratike për të ndaluar këto veprime që kërcënojnë paqen dhe stabilitetin në rajon.
Ajo gjithashtu ka kërkuar që skena politike në Kosovë të jetë e bashkuar në mbrojtje kundër tendencave agresive të Serbisë.
Leave a Reply