Moti i sotëm: Vranësira, reshje shiu dhe intervale me diell

Sipas njoftimit të Institutit Hidrometeorologjik të Kosovës, dita e sotme do të karakterizohet nga moti kryesisht i vranët, me disa intervale të shkurtra me diell.

Në disa rajone, vranësirat mund të sjellin reshje të lehta shiu. Temperaturat minimale do të variojnë nga 4°C deri në 7°C, ndërsa ato maksimale pritet të arrijnë nga 10°C deri në 13°C.

Era do të fryjë nga drejtimi veriperëndimor, me një shpejtësi që do të luhatet nga 1 deri në 5 metra për sekondë.