Kryetarja e shtetit, Vjosa Osmani, ka zhvilluar sot takime me liderët e partive opozitare, duke përfshirë kryetarin e Lidhjes Demokratike të Kosovës (LDK), Lumir Abdixhikun, dhe kreun e Partisë Demokratike të Kosovës (PDK), Memli Krasniqin.
Zëdhënësi i LDK-së, Besian Mustafa, konfirmoi praninë e Abdixhikut në takim, ku u diskutuan qëndrimet e partisë së tij lidhur me situatën aktuale politike. Takimet e presidentes Osmani me krerët opozitarë pasojnë propozimin e kreut të Lëvizjes Vetëvendosje (VV) për mandatar të qeverisë, Glauk Konjufcën, ish nënkryetar i Kuvendit dhe nënkryetar i VV-së.
Ndërkohë, PDK, LDK dhe Aleanca për Ardhmërinë e Kosovës (AAK) kanë bërë të ditur se janë në favor të zgjedhjeve të reja dhe nuk do të mbështesin Konjufcën për formimin e qeverisë. Osmani duhet të vendosë brenda 10 ditëve nëse do të shpallë zgjedhje të reja apo do t’i japë Konjufcës mundësinë për të formuar qeverinë e re, nëse ai merr mbështetjen nga Kuvendi.
Leave a Reply