Kryeministri në detyrë i Kosovës, Albin Kurti, priti sot ambasadorin Aivo Orav, Shefin e Zyrës së BE-së në Kosovë, i cili i dorëzoi Raportin për Vendin 2025 nga Komisioni Evropian.
Në konferencën për media, Kurti theksoi se Kosova ka bërë përparim të rëndësishëm, duke plotësuar me sukses detyrat në 35 fusha, ndërsa ngecja është vërejtur vetëm në tri. Kurti siguroi se integrimi në Bashkimin Evropian mbetet prioritet kyç për vendin, dhe raporti i këtij viti paraqet rekomandime të qarta për përmirësim.
Ai vuri në dukje se, ndonëse në detyrë, qeveria ka arritur të mos ketë asnjë regres në sektorët e analizuar. Raporti i KE-së këtë vit vlerëson zhvillimet në të gjitha sektorët e shtetit, duke konfirmuar se orientimi i Kosovës drejt anëtarësimit të plotë në BE është i palëkundur.
Progresi i arritur, që varion nga i kufizuar në të përparuar, është një dëshmi e përkushtimit të qeverisë për procesin e integrimit evropian.
Leave a Reply