Lëvizja Vetëvendosje ka prezantuar para qytetarëve të Pejës planin e tyre për zhvillimin e komunës, duke bërë thirrje që të mbështesin kandidatin e tyre, Taulant Kelmendi, për kryetar.
Albin Kurti, lideri i Vetëvendosjes, u angazhua që së bashku me Kelmendin të punojnë për përmbushjen e kërkesave të banorëve dhe përparimin e Pejës. Kurti theksoi se zhvillimi i Pejës është një prioritet, duke premtuar një qeverisje të ndershme dhe transparente nga Kelmendi, i cili do të jetë pranë qytetarëve për të dëgjuar nevojat e tyre.
Nga ana tjetër, Taulant Kelmendi premtoi investime në shëndetësi, arsim, dhe infrastrukturë. Ai tha se Peja është në prag të ndryshimeve të rëndësishme dhe falënderoi qytetarët për mbështetjen e tyre në raundin e parë të votimeve.
Kelmendi njoftoi se projektet me Qeverinë e Albin Kurtit janë në progres, duke përfshirë rrugën Pejë-Prishtinë dhe qendrën e xhudos, me synimin për ta bërë Pejën një qytet funksional dhe turistik. Përfaqësuesit e Vetëvendosjes parashikuan se më 9 nëntor do të ndodhë një ndryshim i madh në Pejë.
Leave a Reply