Gjatë aktiviteteve të fushatës për balotazh, kandidati i Lëvizjes Vetëvendosje për kryetar të Komunës së Fushë Kosovës, Valon Prebreza, organizoi një tubim të madh me banorët e Lismirit, Nakaradës dhe Kollonisë.
Ky takim u shoqërua me entuziazëm dhe mbështetje të fuqishme nga qytetarët. Atmosfera e tubimeve tregoi besimin e qytetarëve në vizionin e Prebrezës për një të ardhme më të drejtë dhe transparente për Fushë Kosovën.
Pjesëmarrja e lartë dhe energjia pozitive në këto takime pasqyruan frymën e bashkimit që karakterizon këtë fushatë. Prebreza theksoi rëndësinë e bashkimit rreth vlerave të ndershmërisë dhe përkushtimit, duke falënderuar qytetarët për mbështetjen e tyre.
Ai vuri në dukje se bashkimi i këtyre komuniteteve tregon gatishmërinë për një kapitull të ri në qeverisjen lokale. Fushata e tij po i afrohet përmbylljes me një mesazh të qartë: ndryshimi është i mundur më 9 nëntor, ku qytetarët do të jenë në qendër të vendimeve për një Fushë Kosovë më të zhvilluar.
Leave a Reply