Në prag të balotazhit për kryetar komune që do të mbahet më 9 nëntor 2025, Policia e Kosovës ka zhvilluar një plan operativ për të siguruar mbarëvajtjen e këtij procesi zgjedhor.
Me qëllimin e krijimit të një mjedisi të qetë dhe të sigurt për qytetarët, plani parashikon masat e duhura për sigurinë e votimeve, përfshirë sigurinë e qendrave të votimit dhe transportin e materialeve zgjedhore. Për të garantuar zbatimin e planit, janë emëruar koordinatorë të Policisë që do të punojnë ngushtë me KQZ-në dhe institucionet tjera relevante.
Po ashtu, një udhëzues është hartuar për zyrtarët policorë që përfshin detyrat e tyre ligjore gjatë procesit zgjedhor. Në një takim të mbajtur më 7 nëntor 2025 me drejtorët rajonalë dhe menaxhmentin e lartë, u diskutuan detajet e urdhrit operativ.
Policia i bën thirrje qytetarëve dhe subjekteve zgjedhore që të raportojnë çdo çështje sigurie përmes linjave të komunikimit në dispozicion, duke përfshirë numrin 192 dhe adresën elektronike. Policia e Kosovës mbetet e angazhuar për të siguruar një proces zgjedhor të drejtë dhe të sigurt.
Leave a Reply