Një incident ndodhi në Bazën e Përbashkët Andrews në Maryland, ku disa persona u sëmurën pas hapjes së një pakete të dyshimtë.
Sipas një zëdhënësi të bazës pranë Washington DC-së, ndërtesa ku ndodhi ngjarja u evakuua dhe personat e prekur u trajtuan mjekësisht, duke qëndruar në gjendje të qëndrueshme. Paketa përmbante një pluhur të bardhë të panjohur, raportuan burime të afërta me hetimin, siç citon CNN.
Kjo bazë është e njohur për stacionimin e Air Force One, avioni presidencial amerikan, dhe përdoret për nisjet e presidentit për udhëtime zyrtare. Masat e sigurisë përfshinë evakuimin e ndërtesës ku ndodhi incidenti dhe të një ndërtese tjetër aty pranë.
Për të siguruar zonën, u vendosën kordona sigurie. Sipas zëdhënësit të JBA, ekipet e emergjencës arritën me shpejtësi dhe testet fillestare nga ekipi ‘Hazmat’ nuk zbuluan kërcënime të menjëhershme, duke bërë që operacionet të kthehen në normalitet.
Hetimet për incidentin janë ende në vazhdim, ndërsa autoritetet po shqyrtojnë edhe përmbajtjen politike të paketës. Ende nuk është e qartë se cilat janë efektet shëndetësore tek të ekspozuarit.
Leave a Reply