Deputeti i Aleancës për Ardhmërinë e Kosovës, Daut Haradinaj, ka sugjeruar se zgjedhjet e prillit mund të shmangen nëse gjendet një zgjidhje për postin e presidentit.
Ai ka përmendur disa figura të cilat do të mbështeste nëse do të propozoheshin për këtë rol të rëndësishëm. Në një intervistë për Kanal 10, Haradinaj ka theksuar se do të votonte me entuziazëm për Harry Bajraktarin, një aktivist shqiptar në SHBA, duke theksuar se do të ngrihej edhe në këmbë për të mbështetur kandidaturën e tij.
Përveç Bajraktarit, Haradinaj ka përmendur edhe emrat e Xhim Xhemës dhe Rrustem Gecit si kandidatë të mundshëm që do të meritonin vëmendje. Ai ka kërkuar të mos paragjykohen emrat e propozuar, duke nënvizuar se ekzistojnë personalitete të veçanta që mund të jenë të përshtatshëm për këtë detyrë.
Leave a Reply