Hysamedin Feraj nga Lëvizja Vetëvendosje ka bërë një deklaratë në Facebook, ku krahasoi mbështetjen për Albin Kurtin, por jo për kandidatët lokalë të VV-së, me një deklaratë fetare.
Ai tha se kjo është si të thuash “e besoj Zotin, por jo Muhamedin a.s” për myslimanët, ose “e besoj atin, por jo birin (Krishtin)” për të krishterët. Kjo deklaratë ka nxitur reagimin e profesorit të filozofisë, Blerim Latifi.
Sipas tij, përdorimi i termave teologjikë në politikë është një “ves i moçëm”. Latifi theksoi se në rastet kur politikanët pretendojnë të jenë të gjithëditur, shpesh ka tendenca për t’u dhënë atyre një dimension fetar.
Ai shtoi se teologjia është shpesh streha e fundit për ata që nuk duan të heqin dorë nga miti i të pagabueshmit në politikë, një fushë e cila është e mbushur me gabime.
Leave a Reply