Gjeneralmajor Ozkan Ulutash, komandanti i misionit KFOR të udhëhequr nga NATO, ka mirëpritur sot në një takim gjeneralmajorin Jaroslav Kram, komandantin e Forcave Operative Speciale të Sllovakisë.
Gjatë këtij takimi, dy gjeneralët diskutuan mbi gjendjen e sigurisë në Kosovë dhe rajonin përreth, duke shkëmbyer mendime dhe vlerësime. KFOR-i thekson se vazhdon të përmbushë detyrimin e tij për të siguruar një mjedis të sigurt dhe të qetë për të gjitha komunitetet që jetojnë në Kosovë, duke garantuar lirinë e lëvizjes në mënyrë të paanshme dhe të vazhdueshme.
Ky mision punon ngushtë me Policinë e Kosovës dhe EULEX-in, në përputhje me përgjegjësitë e tyre për çështjet e sigurisë, për të siguruar stabilitet në rajon. KFOR-i njofton se ky bashkëpunim është kyç për të ruajtur paqen dhe sigurinë në të gjithë territorin e Kosovës.
Leave a Reply