Faton Peci, kandidati i Vetëvendosjes që fitoi balotazhin në Mitrovicë, ka reaguar pas ndërprerjes së rinumërimit të votave në Qendrën e Numërimit dhe Rezultateve në këtë qytet.
Përmes një postimi në Facebook, Peci shprehu zhgënjimin e tij për situatën e krijuar. Ndërkohë, në Mitrovicë janë duke u zhvilluar hetime për dyshimet mbi keqpërdorimin e votave gjatë zgjedhjeve.
Megjithatë, Komisioni Qendror i Zgjedhjeve (KQZ) ka deklaruar se bëhet fjalë vetëm për gabime teknike të shtypjes së fletëvotimeve, të cilat, sipas tyre, nuk kanë ndikuar në procesin zgjedhor. KQZ-ja siguron se këto probleme teknike nuk kanë pasur ndikim në rezultatin përfundimtar, duke theksuar se procesi zgjedhor është i sigurt dhe transparent.
Hetimet për të sqaruar situatën vazhdojnë, ndërsa autoritetet përpiqen të adresojnë shqetësimet e ngritura.
Leave a Reply