Prokuroria e Shtetit ka urdhëruar vazhdimin e numërimit të votave në Mitrovicën e Jugut, pas një sqarimi nga kompania sllovene CETIS mbi printimin e fletëvotimeve.
Këtë vendim e ka lëshuar Prokurori i Shtetit, Sahit Tmava, i cili ka kërkuar praninë e dy hetuesve policorë gjatë procesit të numërimit. Zëdhënësi i Vetëvendosjes, Arlind Manxhuka, ka shpërndarë vendimin dhe ka theksuar se Prokuroria Themelore në Mitrovicë ka urdhëruar Komisionin Qendror të Zgjedhjeve për rifillimin e numërimit.
Ndërkohë, gjatë mbrëmjes së së hënës, Mefail Bajqinovci ka akuzuar Prokurorinë dhe Policinë për ndërhyrje të motivuar politikisht, duke pohuar se kanë vepruar me urdhër të PDK-së. Ai ka deklaruar se fitorja nuk mund të arrihet me presion dhe se Mitrovica i ka dhënë përgjigjen e saj PDK-së.
Leave a Reply