Ministrja e Tregtisë dhe Industrisë, Rozeta Hajdari, është përballur me akuza për sjellje të papërshtatshme ndaj punonjësve të saj, sipas një aktakuze të Prokurorisë Speciale që mbulon çështjet e rezervave shtetërore.
Në këtë dokument, i cili është bërë publik nga Nacionale, Hafiz Gara, një nga të akuzuarit, ka deklaruar se është fyer dhe kërcënuar nga ministrja Hajdari. Gara ka pohuar se gjatë takimeve me ministren, ajo e ka ofenduar ashpër, duke e quajtur “idiot” dhe “i paaftë”.
Ai ka theksuar se këto fyerje lidhen me realizimin e kontratave që aktualisht janë nën hetim. Gjithashtu, gara ka përmendur se është ndjerë i kërcënuar për vendin e tij të punës nga ministrja Hajdari dhe sekretari Irfan Lipovica, përfshirë kërcënimet për suspendim dhe largim nga puna.
Këto akuza ngrejnë pyetje serioze për menaxhimin dhe ambientin e punës në ministri.
Leave a Reply