Afati për formimin e Qeverisë nga Glauk Konjufca po i afrohet fundit, ndërsa deputeti i LDK-së, Paris Guri, ka shprehur dyshime për mundësinë e krijimit të një qeverie të udhëhequr nga Konjufca.
Duke folur në Klan Kosova, Guri tha se nominimi i Konjufcës ishte një përpjekje për të shtyrë datën e zgjedhjeve dhe nuk pasqyronte ndonjë zgjidhje reale. Guri vuri në dukje se në momentin kur Konjufca u mandatua, ai deklaroi publikisht se nuk ishte i përgatitur për të negociuar ndonjë marrëveshje me partitë e tjera.
Nga ana tjetër, ai theksoi se Lidhja Demokratike e Kosovës nuk është e gatshme të bashkëpunojë me Lëvizjen Vetëvendosje. Në të njëjtën kohë, Guri sqaroi se Lëvizja Vetëvendosje ka bërë disa ftesa për bashkëpunim, por LDK ka qenë e qartë në refuzimin e saj për të marrë pjesë në këtë format të qeverisjes.
Leave a Reply