Sekretari i Përgjithshëm i OKB-së, Antonio Guterres, ka emëruar Peter N.
Due nga Danimarka si Përfaqësuesin Special të ri dhe Shef të UNMIK-ut në Kosovë, duke zëvendësuar Caroline Ziadeh nga Libani. Due sjell me vete një përvojë 30-vjeçare në fushën e paqes dhe sigurisë ndërkombëtare.
Që prej vitit 2019, Due ka shërbyer si Drejtor për Azinë dhe Paqësorin në Departamentet e Çështjeve Politike dhe të Ndërtimit të Paqes në OKB. Më parë, ai ka mbajtur pozita të rëndësishme në Operacionet Paqeruajtëse, përfshirë rolin e Drejtorit për rajone si Azia, Lindja e Mesme, Evropa dhe Amerika Latine nga viti 2015 deri në 2019.
Ndër eksperiencat e tij të mëparshme, Due ka qenë Përfaqësues i Sekretarit të Përgjithshëm në Beograd dhe ka punuar me UNMIK-un në Prishtinë. Përveç aktiviteteve në OKB, ai ka pasur angazhime në Ministrinë e Punëve të Jashtme të Danimarkës.
Due zotëron disa diploma akademike nga universitete prestigjioze dhe flet disa gjuhë, përfshirë anglishten, frëngjishten dhe gjermanishten.
Leave a Reply