Ambasadori i karrierës, Albert Prenkaj, ka shprehur kritika ndaj vendimit të presidentes Vjosa Osmani për të mandatuar Glauk Konjufcën në formimin e Qeverisë, pavarësisht mungesës së votave të nevojshme.
Në një intervistë për RTV21, Prenkaj sugjeroi që partitë parlamentare mund të sfidojnë këtë veprim në Gjykatën Kushtetuese. Ai theksoi se Gjykata Kushtetuese e vitit 2014 ka përcaktuar qartë se qeverinë mund ta formojë vetëm partia apo koalicioni që siguron numrin e duhur të votave.
Prenkaj argumentoi se mandati i Konjufcës është një strategji për të fituar kohë në “peshkimin” e votave të deputetëve. Ai vuri në dukje se LVV-ja, ndonëse fitoi zgjedhjet, nuk ka votat e mjaftueshme për të formuar qeverinë pa bashkëpunim me një parti tjetër parlamentare.
Prenkaj e cilësoi situatën si jo kushtetuese dhe ftoi partitë politike të veprojnë për të zgjidhur këtë çështje nëpërmjet gjykatës.
Leave a Reply