Kompania rajonale e ujësjellësit “Prishtina” ka bërë të ditur se një problem i rëndësishëm ka ndodhur në Impiantin e Trajtimit të Ujit në Shkabaj që nga mesnata e së enjtes.
Shkaku i kësaj situate është turbullira e ujit në kanalin Ibër-Lepenc, e cila ka ardhur si pasojë e punimeve teknike të kryera në këtë kanal. Kjo ka sjellë çrregullime në furnizimin me ujë në disa zona, duke përfshirë Fushë-Kosovën, Obiliqin dhe Drenasin.
Ndikime të mundshme mund të ndihen edhe në disa pjesë të Prishtinës. Aktualisht, Impianti në Shkabaj nuk është duke e trajtuar ujin, ndërsa impiantet në Albanik dhe Badoc po punojnë me kapacitet të plotë për të përballuar situatën.
Autoritetet kanë bërë thirrje për mirëkuptim nga qytetarët dhe kanë premtuar që do të vazhdojnë t’i mbajnë të informuar për zhvillimet e mëtejshme.
Leave a Reply