Një ngjarje e rëndë ka tronditur Vushtrrinë, ku një baba nga qyteti është arrestuar për plagosjen e djalit të tij.
Sipas njoftimit nga Prokuroria Themelore e Mitrovicës, i dyshuari Driton Bekteshi, i cili ishte në kërkim prej muajsh, u kap më në fund nga autoritetet. Ai akuzohet për “Vrasje të rëndë në tentativë” dhe “Mbajtjen e armëve pa leje”.
Zyra e prokurorisë konfirmoi se Bekteshi është ndaluar për 48 orë, ndërkohë që do të paraqitet një kërkesë për masën e sigurisë në gjykatën kompetente. Incidenti i plagosjes ndodhi më 28 korrik në Stanoc, duke shkaktuar shqetësim të madh në komunitetin lokal.
Ngjarja fillimisht u raportua nga Gazeta Online Veriu.info dhe tronditi qytetin e Vushtrrisë. Prokuroria ka siguruar se do të ndërmerren të gjitha veprimet e nevojshme ligjore për zbardhjen e plotë të këtij rasti.
Leave a Reply