Incidenti në Stacionin Hekurudhor të Hanit të Elezit ka shkaktuar shqetësime për Trainkos Sh.A., pasi vagonët e riparuar së fundmi u dëmtuan dhe u mbuluan me grafite.
Vagonët, të cilët nuk ishin ende në përdorim, u riparuan me një investim prej 423,000 euro nga shteti i Kosovës. Ky është incidenti i dytë i dëmtimit të pronës pas thyerjes së xhamave në prill.
Më 17 dhjetor 2024, vagonët mbërritën në Han të Elezit, por linja hekurudhore ende nuk është hapur zyrtarisht nga NP Infrakos Sh.A., duke penguar transportimin e tyre në Fushë Kosovë. Për momentin, kjo linjë mbetet e mbyllur, duke përbërë një pengesë për rikthimin e vagonëve në funksion.
Trainkos njofton se dëmet financiare që nga nisja e projektit në 2019 kanë kaluar 10 milionë euro, përfshirë humbje të klientelës dhe dëmtim të imazhit. Kompania kërkon hetim të plotë dhe ndëshkim të përgjegjësve, duke e konsideruar aktin një dëm ndaj pronës publike dhe përpjekjeve për përmirësimin e transportit hekurudhor.
Leave a Reply