Presidentja e Kosovës, Vjosa Osmani, ka sqaruar një deklaratë të saj të mëparshme lidhur me çmontimin e 900 bandave kriminale.
Ajo theksoi se kjo ka qenë një keqkuptim dhe se bëhet fjalë për numrin e rasteve ku janë përfshirë banda kriminale, veçanërisht në veri të Kosovës. Në një komunikim zyrtar, Osmani shpjegoi se bandat serbe kanë qenë të përfshira në qindra raste të ndryshme, duke përfshirë keqpërdorimin e votave që nga viti 2021, presionin ndaj qytetarëve serbë, futjen e armëve ilegale, akte të dhunës, djegien e makinave dhe sulmet ndaj gazetarëve.
Ajo përmendi gjithashtu se janë evidentuar 93 raste sulmesh ndaj ushtarëve të KFOR-it. Osmani theksoi se deklarata e saj fillestare ka pësuar korrigjime të menjëhershme dhe se media ndërkombëtare nuk e ka publikuar atë, pasi është siguruar që të bëhet ndryshimi i nevojshëm për të shmangur keqkuptimet.
Leave a Reply