Bedri Hamza ka mbajtur një fjalim të rëndësishëm para delegatëve në Konventën e 12-të të Partisë Demokratike të Kosovës, ku shprehu vlerësimin e tij për përkushtimin dhe sakrificat e anëtarëve të partisë.
Hamza theksoi se është një ditë kur shpirti i PDK-së shpreh më shumë se fjalët, duke ndjerë përgjegjësi të madhe ndaj sakrificës së tyre për partinë dhe vendin. Duke falënderuar aktivistët, rininë dhe të gjitha strukturat e PDK-së, ai theksoi se pa angazhimin e tyre, asnjë sfidë nuk do të ishte përballuar dhe asnjë fitore nuk do të ishte arritur.
Hamza shpjegoi se PDK ka mbijetuar për shkak se është ndërtuar mbi sakrificën kombëtare, jo mbi interesa personale, duke përmendur se partia ka lindur nga përballjet dhe qëndresa. Ai nënvizoi se ADN-ja e PDK-së mbart gjurmët e lirisë dhe idealin e rezistencës, duke ruajtur frymën e UÇK-së, çka e ka bërë partinë të qëndrojë e fortë përballë çdo sfide.
Leave a Reply