Në lidhje me raportimet se Ushtria Çlirimtare e Kosovës kërkonte mbështetje nga vendet perëndimore për furnizim me armë, gjenerali amerikan në pension, Wesley Clark, ka deklaruar se NATO nuk kishte një qëllim të tillë.
Clark shpjegoi se gjatë dy javëve të fundit të luftës, kishte pasur disa komunikime nga UÇK-ja, të cilat ndihmuan për të kuptuar më mirë situatën në terren në Kosovë. Megjithatë, ai theksoi se furnizimi me armë nuk ishte opsion, pasi do të përbënte shkelje të rezolutave të Kombeve të Bashkuara lidhur me Jugosllavinë.
Gjenerali i pensionuar nënvizoi se kërkesa për ndihmë nuk nënkupton kontroll apo komandë nga NATO. Sipas tij, informacionet mbi situatën në Kosovë mblidheshin nga burime të ndryshme.
Clark gjithashtu vuri në dukje se nuk kishte marrë asnjë udhëzim apo informacion direkt nga Hashim Thaçi, i cili është përmendur në kontekstin e përgjegjësisë në raportet e mëparshme.
Leave a Reply