Ministri në detyrë i Financave të Kosovës, Hekuran Murati, ka paralajmëruar se nëse Kuvendi nuk arrin të ratifikojë marrëveshjet ndërkombëtare në seancën e sotme, vendi mund të humbasë mbi 200 milionë euro.
Këto fonde përfshijnë 88 milionë euro nga plani i BE-së dhe më shumë se 120 milionë euro nga tri marrëveshje me Bankën Botërore. Murati ka theksuar rëndësinë e sigurimit të 80 votave për miratimin e këtyre marrëveshjeve.
Sot, Kuvendi i Kosovës planifikon të mbajë dy seanca plenare. Në rend të parë të ditës është financimi i Radiotelevizionit të Kosovës (RTK), ndërsa në seancën e dytë do të votohet qeveria e re e kryesuar nga Glauk Konjufca.
Opozita ka shprehur mospajtim me organizimin e dy seancave dhe ka deklaruar se nuk do të marrë pjesë në seancën e parë. Kjo situatë e bën më të vështirë sigurimin e votave të nevojshme për ratifikimin e marrëveshjeve.
Leave a Reply