Inspektorati Sanitar i Republikës së Kosovës ka ndërmarrë sot një aksion në veri të Mitrovicës, duke mbyllur dy lokale të njohura.
Lokalet “Sindikat” dhe “Parliament”, të cilat janë në pronësi të personave me ndikim në veri, u mbyllën për shkak të kushteve të papërshtatshme higjieno-sanitare dhe mungesës së dokumenteve të nevojshme. Në këtë operacion morën pjesë inspektorë sanitarë, inspektorë komunalë, inspektorë të punës, ATK dhe Policia e Kosovës, duke bashkëpunuar për të zbatuar ligjin në këtë pjesë të vendit.
Ky aksion është pjesë e një serie veprimesh të Inspektoratit për të përmirësuar kushtet dhe respektimin e rregullave në zonat veriore. Pamjet e aksionit janë bërë publike për të treguar seriozitetin e veprimeve dhe angazhimin e institucioneve për sigurinë dhe shëndetin publik.
Leave a Reply