Gjykata Supreme e Kosovës ka hedhur poshtë ankesën e kandidatit të pavarur për kryetar të Komunës së Kllokotit, Arbër Emini.
Ky i fundit kishte paraqitur ankesë ndaj vendimit të Panelit Zgjedhor për Ankesa dhe Parashtresa (PZAP), i cili kishte refuzuar shqyrtimin e pretendimeve të tij rreth rezultateve të zgjedhjeve lokale. Emini kishte kundërshtuar rezultatet e raundit të dytë të zgjedhjeve, duke pretenduar se ishin shkelur Kushtetuta e Republikës së Kosovës dhe rregullat zgjedhore.
Megjithatë, Gjykata Supreme, pas shqyrtimit të detajuar të materialeve të dorëzuara, arriti në përfundimin se ankesat e tij nuk ishin të bazuara. Vendimi i gjykatës konfirmoi qëndrimin e PZAP-së për të mos lejuar ankesën e Arbër Eminit, duke e konsideruar atë si të pabazuar dhe të pavlefshme.
Ky vendim mbyll kështu procesin e kontestimit të zgjedhjeve në këtë komunë.
Leave a Reply