Lumir Abdixhiku, kryetari i Lidhjes Demokratike të Kosovës (LDK), ka bërë të ditur se artistja e njohur Adelina Thaçi është bashkuar me partinë e tij.
Me këtë lëvizje, Adelina sjell një pasuri të çmuar profesionalizmi dhe integriteti në LDK, duke përfaqësuar një zë të rëndësishëm në promovimin e kulturës dhe zhvillimit në Kosovë. Adelina Thaçi Meta gëzon një karrierë të gjatë e të suksesshme në muzikë, duke shënuar arritje të spikatura si soprano dhe këngëtare pop.
Ka qenë soliste e Filharmonisë së Kosovës për më shumë se dhjetë vjet dhe ka një përvojë të gjatë si profesoreshë e solo-këndimit dhe ligjëruese universitare. Karriera e saj ndërkombëtare përfshin bashkëpunime me dirigjentë të njohur dhe pjesëmarrje në festivale të rëndësishme në Evropë dhe SHBA.
Në muzikën pop, Adelina ka fituar shumë çmime në festivale të njohura në Kosovë dhe Shqipëri. Gjithashtu, ajo ka kontribuar në zhvillimin e artistëve të rinj përmes Ansamblit Vokal “Zanat”.
Me bashkimin e saj me LDK-në, Adelina synon të kontribuojë në një Kosovë më të zhvilluar dhe kulturore.
Leave a Reply