Gazetari Valon Syla ka analizuar zhvillimet e fundit në Partinë Demokratike të Kosovës, duke theksuar dallimet mes udhëheqësisë qendrore dhe ambicieve të figurave lokale.
Ai ka vënë në dukje se autoriteti dhe qetësia e Bedri Hamzës, së bashku me qëndrimin e fortë të lidershipit qendror të PDK-së, janë në kontrast të madh me sjelljen e kryetarit të Drenasit, Ramiz Lladrovci, të cilën ai e përshkruan si “arrogancë në teh të nervit”. Sipas Sylës, kjo situatë ka nxjerrë në pah krijimin e një figure brenda partisë që, ndonëse deklaron mbështetje për LDK-në, përfiton politikisht nga Vetëvendosja.
Ai sugjeron se Lladrovci, megjithëse pretendon të jetë pjesë e PDK-së, mund të ndikojë që votat të shkojnë drejt Vetëvendosjes. Në mbyllje, Syla thekson se vendimet për ndarje nga partia dhe krijimi i partive të reja janë të pashmangshme dhe se tashmë janë hedhur hapat e parë për ndryshime të tilla.
Leave a Reply