Ministri i Financave në detyrë, Hekuran Murati, ka shprehur shqetësimin e tij ndaj Lidhjes Demokratike të Kosovës (LDK), duke i kërkuar kreut të saj, Lumir Abdixhiku, të shpjegojë arsyet pse partia e tij nuk mbështeti buxhetin e Komunës së Prishtinës për vitin 2025.
Murati theksoi se, nëse buxheti do të ishte miratuar në seancën e fundit, qyteti do të kishte tashmë fondet e nevojshme për të përmbushur nevojat financiare pa pengesa. Ai kritikoi vendimin për mosvotimin e buxhetit, duke e cilësuar si një lëvizje që dëmton interesat e qytetarëve dhe vë në dyshim prioritetet e opozitës në kryeqytet.
Deri tani, LDK nuk ka dhënë një përgjigje zyrtare ndaj akuzave të Muratit. Në një postim në rrjetet sociale, Murati u ka bërë thirrje Abdixhikut dhe partisë së tij të japin sqarime publike për këtë çështje.
Leave a Reply