Komisioni Qendror i Zgjedhjeve (KQZ) pritet të zhvillojë mbledhjen e radhës, ku do të diskutohet për buxhetin e zgjedhjeve të parashikuara për t’u mbajtur më 28 dhjetor.
Përveç çështjes financiare, mbledhja do të përfshijë edhe shqyrtimin dhe miratimin e planit kohor të aktiviteteve për zgjedhjet e parakohshme parlamentare. Gjithashtu, do të diskutohet formulimi i Komisioneve Komunale Zgjedhore, të cilat do të kenë rol kyç në administrimin e procesit zgjedhor në nivel lokal.
Ndër të tjera, në rendin e ditës pritet të shqyrtohen edhe disa çështje procedurale që lidhen me përgatitjet teknike dhe administrative për zhvillimin e zgjedhjeve. Këto masa janë të rëndësishme për të garantuar një proces zgjedhor të rregullt dhe të mirëorganizuar.
Leave a Reply