Kryetari i Aleancës për Ardhmërinë e Kosovës, Ramush Haradinaj, ka theksuar rëndësinë e 28 Nëntorit në një ceremoni të organizuar nga ambasadori Petrit Malaj, në prag të 113-vjetorit të Pavarësisë së Shqipërisë.
Haradinaj, përmes një postimi në Facebook, shprehu emocionin që kjo ditë sjell për çdo shqiptar, duke u ndalur te ngjarjet historike që e kanë shënuar këtë datë, si shpallja e pavarësisë në vitin 1912 dhe dalja publike e Ushtrisë Çlirimtare të Kosovës në 1997. Ai theksoi se shqiptarët gjithmonë kanë qenë dhe do të jenë të bashkuar në përpjekjet për të drejtat e tyre.
Haradinaj gjithashtu nënvizoi se identiteti perëndimor është i rrënjosur thellë në qenien shqiptare dhe se bashkimi me familjen evropiane mbetet një synim që do të realizohet.
Leave a Reply