Emisari i Bashkimit Evropian për dialogun ndërmjet Kosovës dhe Serbisë, Peter Sorensen, ka zhvilluar një takim me ministrin spanjoll të Punëve të Jashtme, Jose Manuel Albares, në Madrid.
Në fokus të bisedimeve ishte përparimi i dialogut të lehtësuar nga BE-ja. Në një postim, Sorensen shprehu falënderim për interesimin dhe mbështetjen e vazhdueshme të Spanjës në procesin e normalizimit.
Ai vlerësoi angazhimin e ministrit Albares për çështjet e dialogut. Ky takim është pjesë e një serie diskutimesh që Sorensen po zhvillon me liderë evropianë, për të forcuar ndërmjetësimin e BE-së mes Prishtinës dhe Beogradit.
Takime të tilla janë thelbësore për avancimin e procesit të normalizimit dhe për të mbështetur zgjidhje paqësore mes dy vendeve.
Leave a Reply