Lajmi i trishtuar për vdekjen e papritur të këngëtarit të njohur shqiptar, Shpat Kasapi, si pasojë e një arresti kardiak, ka tronditur sot botën muzikore.
Kasapi, i cili jetoi dhe punoi kryesisht në Maqedoninë e Veriut, ka lënë pas djalin e tij, Roar, të cilin e pati me ish-bashkëshorten Selvije Jao. Selvije Jao, e njohur si grimierja e famshme, ka ndarë mendimet e saj për divorcin nga këngëtari.
Në një bashkëbisedim të fundit në Instagram, ajo shprehu dëshirën që djali i saj të rritet me të dy prindërit, edhe pse jeta ka sjellë ndryshe. Ajo theksoi se do të luftojë që Roari të rritet në një mjedis të qetë dhe të lumtur.
Gjithashtu, Jao ka treguar se është larguar nga Tirana për shkak të mungesës së sigurisë dhe shëndetësisë së dobët, duke theksuar se kërkon një vend më të sigurt dhe me më shumë mundësi për zhvillimin e djalit të saj.
Leave a Reply