Familja e Shpatit në Itali për kontrolle mjekësore të djalit

Këngëtari i njohur, Shpat Kasapi, ka ndërruar jetë në moshën 40-vjeçare, duke lënë pas një trishtim të madh për familjen dhe miqtë.

Ai ndodhej në Itali me bashkëshorten dhe djalin, ku kishte shkuar për një kontroll mjekësor për të birin, kur lajmi tragjik u bë i njohur të martën vonë. Sipas vëllait të tij, Albin, ndihma e shpejtë u ofrua menjëherë në banesë, por përpjekjet e mjekëve për ta shpëtuar nuk patën sukses.

Dyshohet se një atak kardiak ka qenë shkaku i vdekjes së tij. Shpat Kasapi ishte përzgjedhur si pjesëmarrës në sezonin e ri të “Big Brother Albania VIP 5”, që pritet të fillojë në dhjetor.

Albin Kasapi tregoi se vëllai i tij e priste këtë përvojë me shumë entuziazëm, duke theksuar se familja është në një gjendje të rënduar emocionalisht pas humbjes së tij të papritur.