Prokurori Beqë Shala, i arrestuar në muajin tetor të këtij viti, është liruar nga paraburgimi dhe tani do të qëndrojë në arrest shtëpiak për dy muaj.
Vendimi erdhi pasi Gjykata Themelore në Prishtinë refuzoi kërkesën e Prokurorisë Speciale për të zgjatur masën e paraburgimit. Zëdhënësja e Gjykatës, Mirlinda Gashi, konfirmoi për Telegrafin se gjykata, më 26 nëntor 2025, vendosi që Shala të qëndrojë në arrest shtëpiak, duke refuzuar kërkesën e Prokurorisë Speciale të bërë më 20 nëntor 2025.
Shala po hetohet për akuzën e marrjes së ryshfetit dhe masa e re do të zgjasë deri më 25 janar 2026. Departamenti Special i Gjykatës Themelore në Prishtinë ka trajtuar kërkesën në kontekstin e çështjes penale që rëndon mbi të pandehurin.
Leave a Reply