Kryetari i Kuvendit të Kosovës, Dimal Basha, ka shprehur krenarinë e tij për Forcën e Sigurisë së Kosovës (FSK) gjatë ceremonisë së “Ditës së Forcës”.
Ai theksoi se FSK-ja është vazhduese e trashëgimisë së Ushtrisë Çlirimtare të Kosovës (UÇK), duke vlerësuar gjithashtu investimet e mëdha të qeverisë në pajisje ushtarake dhe armatim. Basha përmendi se rekrutimi i mbi 2 mijë ushtarëve dhe investimet prej 400 milionë eurosh në pajisje janë dëshmi e përkushtimit të shtetit për sigurinë kombëtare.
Gjatë vizitës në kazermën “Adem Jashari” në Prishtinë, ku morën pjesë edhe Presidentja e Kosovës, Vjosa Osmani, Kryeministri në detyrë, Albin Kurti, dhe Ministri në detyrë i Mbrojtjes, Ejup Maqedonci, Basha shprehu shpresën që puna e shkëlqyer e FSK-së të vazhdojë. Ai theksoi rëndësinë e ruajtjes së amanetit të atyre që kanë rënë për vendin, duke theksuar rolin paqedashës të ushtrisë.
Leave a Reply