Të shtëna në Vushtrri, e plagosur një e mitur 17-vjeçare

Në qytetin e Vushtrrisë ka ndodhur një incident i rëndë, ku një vajzë 17-vjeçare ka mbetur e plagosur.

Sipas informacioneve të siguruara nga Veriu.info, e reja, e identifikuar si E. V.

(emër i njohur për redaksinë), është transportuar për ndihmë mjekësore në departamentin e emergjencës në Spitalin e Vushtrrisë. Ngjarja dyshohet të ketë ndodhur aksidentalisht gjatë një shkëmbimi zjarri mes disa personave të përfshirë në një konflikt.

Autoritetet po hetojnë rrethanat e plota të incidentit për të sqaruar detajet e ngjarjes.