Në Shkup, atmosfera e 28 Nëntorit u ndie e gjallë, edhe pse kjo ditë nuk është festë zyrtare në Maqedoninë e Veriut.
Shqiptarët atje e shënuan këtë ditë me entuziazëm, duke mbushur rrugët e qytetit me ngjyrat kuqezi dhe flamuj kombëtarë. Fëmijët shqiptarë u shfaqën të veshur me simbole patriotike, duke performuar valle dhe këngë që pasqyrojnë dashurinë dhe krenarinë për kombin e tyre.
Euronews Albania raportoi se urimet për këtë ditë mbërritën nga fëmijët dhe të rinjtë për shqiptarët anembanë botës, duke e kthyer Shkupin në një qendër të festimeve. Në këtë ditë të veçantë, qyteti u gjallërua edhe nga një grup motorristësh që erdhën nga Austria, duke ofruar një spektakël të veçantë për banorët.
Parada me kuaj ishte një tjetër element i veçantë që shtoi atmosferën festive të kësaj dite.
Leave a Reply