Boksieri shqiptar Eris Bajra do të rikthehet në ring më 13 dhjetor në Stamboll, ku do të përballet me boksierin nga Tanzania, Makaveli Mponji.
Kjo ndeshje zhvillohet në kuadër të kategorive të lehta të WBO dhe IBO. Bajra, i cili ka një rekord prej 7 fitoreve, 4 prej të cilave me K.O., dhe 1 humbje në 8 ndeshjet e tij, do të ketë një sfidë të fortë përballë Mponjit, i cili ka 10 fitore dhe 2 humbje në 12 ndeshje.
Karriera e Bajrës nisi si kiksbokser, por që nga viti 2020 ai ka kaluar në boksin profesionist, duke shënuar suksese të dukshme. Në shtator të vitit 2024, ai fitoi titullin “IBO World Youth” në peshën e lehtë, ndërsa në maj të vitit 2025 u shpall kampion botëror i WBO, një arritje e madhe për të.
Ndër sukseset e tij shquhet edhe fitorja ndaj ish-kampionit WBC dhe IBF, Viorel Simion. Për këtë ndeshje të rëndësishme, Bajra ka zhvilluar stërvitje intensive për të qenë sa më i përgatitur.
Leave a Reply