Agjencia për Shtetësinë dhe Imigracionin në Shtetet e Bashkuara (USCIS) ka njoftuar një ndalesë të përkohshme për aplikimet për azil, duke reaguar ndaj kërkesës së Presidentit Donald Trump për politika më të rrepta mbi emigracionin.
Vendimi vjen pas një incidenti tragjik ku dy ushtarë të Gardës Kombëtare u qëlluan me armë në afërsi të Shtëpisë së Bardhë. Drejtori i USCIS-së, Joseph Edlow, deklaroi se ky pezullim do të qëndrojë në fuqi derisa të verifikohen dhe të shqyrtohen në mënyrë të plotë të gjithë aplikantët e huaj.
Ndërkohë, Ministri i Jashtëm amerikan, Marco Rubio, njoftoi se lëshimi i vizave për shtetasit afganë është ndalur gjithashtu përkohësisht. Rubio theksoi rëndësinë e mbrojtjes së kombit si prioritet kryesor për Shtetet e Bashkuara.
Një nga ushtaret e plagosura, një 20-vjeçare, ndërroi jetë nga plagët, ndërsa kolegu i saj, një 24-vjeçar, mbetet në gjendje kritike, sipas Prokurores së Shtetit të Uashingtonit, Jeanine Pirro.
Leave a Reply