Rastet e profileve të falsifikuara në rrjetet sociale po shtohen, duke çuar përpara narrativat e Serbisë për të krijuar përçarje në Kosovë, ka paralajmëruar profesori universitar, Alban Zeneli.
Ai theksoi rëndësinë e edukimit medial si një lëndë obligative në sistemin parauniversitar për t’i bërë të rinjtë më të përgatitur ndaj këtyre fenomeneve. Zeneli shpjegoi se këto profile shpesh nuk kanë përmbajtje të tjera dhe përdorin imazhe të gjeneruara nga inteligjenca artificiale, duke e bërë më të vështirë identifikimin e tyre.
Ai vuri në dukje se përçarja në mes të shumicës shqiptare është një nga qëllimet kryesore të këtyre profileve, duke përfshirë arsye politike dhe fetare. Profesori propozoi që ministria e arsimit të përfshijë edukimin medial në shkolla, ndërsa shoqëria civile dhe akademikët duhet të punojnë me grupet jashtë procesit të shkollimit, veçanërisht me të moshuarit, për të rritur ndërgjegjësimin ndaj dezinformatave.
Kjo do të ndihmojë shoqërinë të përballojë më mirë kërcënimet e dezinformimit në mediat sociale.
Leave a Reply