Bashkimi Evropian po përgatit një platformë të re online, EU Talent Pool, për të lehtësuar lidhjen mes punëdhënësve në vendet e BE-së dhe punëkërkuesve të kualifikuar nga jashtë bllokut.
Kjo iniciativë synon të adresojë mungesën e aftësive në tregun e punës evropian dhe të nxisë migrimin e drejtë dhe të rregullt të fuqisë punëtore. Këshilli i BE-së dhe Parlamenti Evropian kanë rënë dakord për krijimin e kësaj platforme, që do të shërbejë si urë lidhëse mes talenteve ndërkombëtare dhe sektorëve që kanë nevojë për ekspertizë.
Rekomandimet për funksionimin efektiv të platformës përfshijnë shfrytëzimin e potencialit të brendshëm, duke theksuar se shtetasit nga vendet e treta në BE përbëjnë një burim të pashfrytëzuar. Vendet e BE-së janë ftuar të ofrojnë ambiente mikpritëse për migrantët dhe të bashkëpunojnë me organizatat civile për të shmangur ikjen e trurit, në përputhje me programin “Harnessing Talent”.
Ky mekanizëm pritet të ndihmojë në balancimin e tregut të punës në BE dhe forcimin e konkurrencës ekonomike të Unionit.
Leave a Reply