Jetmir Sinani është dënuar me 24 vite burg për vrasjen e Liridon Musliut dhe Fatos Zenunit, ngjarje që ndodhi në Vushtrri në vitin 2023.
Vendimi për dënimin e tij u mor nga Gjykata Themelore në Mitrovicë, pas akuzave të ngritura nga Prokuroria për vrasje dhe armëmbajtje pa leje. Sinani është dënuar me 23 vite për veprën e vrasjes dhe me 18 muaj për armëmbajtje pa leje, duke u dhënë një dënim unik prej 24 vitesh.
Ky rast kishte kaluar në një rigjykim, pasi dënimi fillestar ishte i njëjtë. Ngjarja ndodhi më 29 tetor 2023, rreth orës 15:50, në udhëkryqin e rrugëve “Mehmet Konjuhi”, “Rifat Galiza” dhe “Zahir Pajaziti” në Vushtrri.
Në seancën e 9 janarit, një ekspert deklaroi se i akuzuari nuk kishte vepruar në gjendje të tronditjes së fortë mendore gjatë kryerjes së veprës.
Leave a Reply