Albin Kurti, i cili dikur e cilësonte kompaninë energjetike EFT si një “rrezik kombëtar” dhe kërkonte largimin e saj nga tregu i Kosovës, sot e gjen veten në situatën ku kjo kompani është furnizuesja kryesore e energjisë për vendin.
Ky ndryshim ka nxitur reagime, veçanërisht nga ekspertja e energjisë, Janina Ymeri, e cila ka ngritur shqetësime për varësinë energjetike të Kosovës nga EFT dhe për shpenzimet e mëdha të qeverisë për import energjie. Para gjashtë vitesh, Kurti akuzonte EFT-në për lidhje me figura të ish-regjimit serb, duke theksuar pronësinë e saj nga Vuk Hamoviq dhe djali i Aleksandar Rankoviqit.
Ai kërkonte që EFT të largohej nga tregjet e Kosovës dhe Shqipërisë, duke diskutuar këtë çështje edhe me kryeministrin Edi Rama. Sot, Ymeri thekson se deklaratat e Kurtit janë harruar, ndërsa Kosova mbetet e varur nga furnizimet e EFT-së.
Për këtë arsye, ajo i ka bërë thirrje ZRRE-së për pezullimin e licencës së EFT-së, duke përmendur ndëshkimet që kompania ka marrë në Rumani. Sipas saj, Kosova po i jep mundësi një subjekti të penalizuar të furnizojë vendin me energji.
Leave a Reply