Të hënën mbrëma, gala e futbollit italian u shndërrua në një skenë yjesh ku u shpallën më të mirët e vitit, duke përfshirë kapitenin e Kosovës, Amir Rrahmani.
Pas suksesit të tij me titullin kampion në Serie A, Rrahmani u përfshi në formacionin më të mirë, një arritje e rëndësishme që shënon një tjetër hap të madh për karrierën e tij. Andrea Dossena, ish-mbrojtësi i njohur italian, e lavdëroi Rrahmanin duke theksuar rëndësinë e tij në ekip.
Dossena, i cili ka luajtur për Napoli dhe Liverpool, tha se performancat e Rrahmanit janë gjithmonë mbi mesataren dhe se ai meriton plotësisht këtë nderim. “Amiri është një lojtar që çdo trajner do të dëshironte në ekipin e tij,” shtoi Dossena.
Rrahmani, i vlerësuar për qëndrueshmërinë dhe praninë e tij të vazhdueshme në fushë, pritet të nënshkruajë së shpejti një kontratë të re, sipas raportimeve të ndryshme. Dossena, i cili u tërhoq nga futbolli aktiv në 2017 dhe tani është trajner, vlerëson se ky çmim është plotësisht i merituar për Rrahmanin.
Leave a Reply