Federica Mogherini, e cila më parë ka shërbyer si Përfaqësuese e Lartë e BE-së për Politikën e Jashtme, u lirua mbrëmë rreth orës 1 pas mesnate.
Ajo u arrestua të martën si pjesë e një hetimi të fokusuar në mashtrim dhe korrupsion. Në të njëjtën kohë, Stefano Sannino dhe Cesare Zegretti, dy persona të tjerë të ndaluar, u liruan gjithashtu nga Policia Federale Gjyqësore belge.
Gjykatësit bënë të ditur se të tre individët u pyetën dhe u informuan për akuzat zyrtare, të cilat përfshijnë mashtrim dhe korrupsion në prokurim, konflikt interesi dhe shkelje të sekretit profesional. Ata u liruan pasi nuk konsideroheshin në rrezik për t’u arratisur, ndërkohë që hetimet do të vazhdojnë nën masa ligjore të përcaktuara nga autoritetet belge.
Hetimi lidhet me transaksione dhe prokurime brenda Shërbimit Evropian të Veprimit të Jashtëm dhe Kolegjin e Evropës, çështje që kanë zgjuar interes të gjerë publik për menaxhimin e fondeve dhe praktikat administrative të institucioneve evropiane.
Leave a Reply