Daut Haradinaj, nënkryetari i Aleancës për Ardhmërinë e Kosovës (AAK), ka bërë të ditur se ka pasur komunikim të drejtpërdrejtë mes AAK-së dhe Lidhjes Demokratike të Kosovës (LDK) për një bashkëpunim të mundshëm në zgjedhjet e 28 dhjetorit.
Haradinaj, duke folur në emisionin “Politikos”, theksoi se AAK-ja ka qenë e hapur ndaj kësaj ideje, edhe pse afatet e shkurtra dhe presioni për përgatitje paraqesin sfida për formimin e një liste të përbashkët. Ai vuri në dukje se koordinimi në një periudhë kaq të shkurtër është i vështirë për shkak të situatës së jashtëzakonshme dhe dinamikës së shpejtë të zgjedhjeve, por raportet mes dy partive mbeten të shëndosha.
Për më tepër, Haradinaj shprehu mbështetje për një koalicion më të gjerë opozitar, duke përfshirë të gjitha partitë opozitare në një listë të përbashkët. “Kam qenë pro një marrëveshjeje me LDK-në dhe një koalicioni më të gjerë opozitar,” deklaroi ai.
Leave a Reply