Në sezonin 2025/26 të Superligës së Kosovës në futboll, tetë nga dhjetë ekipet elitare kanë ndryshuar trajnerët, duke shënuar një nga stinët me më shumë lëvizje në stafet teknike.
Deri tani, 17 trajnerë kanë kaluar nëpër këto skuadra. Drita dhe Llapi janë dy skuadrat e vetme që nuk kanë bërë ndryshime në drejtimin teknik, duke ruajtur besimin tek Zekirija Ramadani dhe Tahir Batatina përkatësisht.
Ballkani, pas fillimit të sezonit me Orges Shehin, zgjodhi kroatin Mislav Karoglan, i cili debutoi me fitore ndaj Dritës dhe Rilindjes në Kupë. Ndërsa, Prishtina, pas shkarkimit të Arsim Thaqit, e zëvendësoi me Afrim Tovërlanin, por humbi ndeshjen e parë ndaj Prishtinës së Re.
Dukagjini, me Ndue Përgjokaj, ka arritur tri fitore radhazi, duke u vendosur në vendin e tretë. Ndërkohë, Malisheva pasoi Osmanin me Berishën, duke u ngjitur në vendin e pestë.
Ferizaj emëroi Nevil Deden, por mbetet në pozitën e parafundit. Prishtina e Re, me tre trajnerë gjatë sezonit, tani drejtohet nga Qëndrim Kida dhe renditet në fundin e tabelës.
Leave a Reply