Inspektorati i Punës ka vendosur të mbyllë një tjetër filial të Viva Fresh në Vushtrri, pas një vendimi të ngjashëm të marrë dy ditë më parë ndaj të njëjtës kompani.
Sipas burimeve të Veriu.info, kontrollet kanë zbuluar shkelje serioze në kushtet e punës në këtë market. Një nga problemet kryesore të evidentuara ishte temperatura e ulët brenda ambientit të punës, e cila përbën rrezik për shëndetin e punëtorëve.
Kjo situatë ka çuar në vendosjen e shiritave mbyllës në hyrjen e marketit. Ndërkohë, punëtorët në sektorin privat në Kosovë po përballen me sfida të vazhdueshme për sa i përket respektimit të të drejtave të tyre dhe kushteve minimale të punës.
Vendimi i Inspektoratit të Punës vjen si një masë për të adresuar këto shqetësime serioze në tregun e punës.
Leave a Reply